چین کا شام کے ساتھ اسٹریٹجک شراکت داری کا اعلان

چین اور شام کے رہنماؤں کی ملاقات ایشین گیمز کی افتتاحی تقریب کے موقع پر ہوئی۔

چین کی سرکاری خبر رساں ایجنسی سنہوکے مطابق چین کے صدر شی نے چین-شام اسٹریٹجک پارٹنر شپ کے قیام کا اعلان کرتے ہوئے کہا کہ ہم قومی آزادی، خودمختاری اور علاقائی سالمیت کے تحفظ میں شام کی حمایت کرتے ہیں۔ جو دو طرفہ تعلقات کی تاریخ میں ایک اہم سنگ میل ثابت ہوگا۔

چینی صدر نے کہا کہ عدم استحکام اور بے یقینی کی شکار بین الاقوامی صورت حال کا سامنا کرتے ہوئے چین، شام کے ساتھ مل کر کام جاری رکھنے، ایک دوسرے کی حمایت، دوستانہ تعاون کے فروغ اور بین الاقوامی انصاف کے مشترکہ دفاع کے لیے تیار ہے۔

شام کے صدر بشارالا سد نے اپنے ردعمل کا اظہار کرتے ہوئے کہا کہ وہ چینی حکومت کے شکر گزار ہیں کہ اس نے شامی عوام کے مقصد اور ان کی آزمائشوں میں ہر ممکن ساتھ دیا ہے ۔
صدر بشارالا سد نے اپنے دیرینہ اتحادی سے اپنے تباہ حال ملک کی تعمیر نو میں مدد کے لیے مالی معاونت طلب کی۔