41
شمالی چین کے شہر سانہے میں قائم ایک ریسٹورینٹ میں گیس دھماکے کے باعث ایک شخص ہلاک اور 22 افراد زخمی ہوگئے۔
یہ ریسٹورینٹ فرائیڈ چکن شاپ تھی جس میں گیس لیکج کی وجہ سے زور دار دھماکا ہوا اور ریسٹورینٹ میں آگ بھڑک اٹھی۔
دھماکے کی اطلاع ملتے ہی فائر بریگیڈ اور ریسکیو ٹیمیں موقع پر پہنچ گئیں جنہوں نے زخمیوں کو فوری طبی امداد کیلئے اسپتال منتقل کیا۔
دھماکے میں ایک شخص کے ہلاک اور 22 کے زخمی ہونے کی تصدیق کی گئی ہے۔
دھماکے اور آگ لگنے سے ریسٹورینٹ کی عمارت جل گئی جب کہ آس پاس کھڑی گاڑیوں کو بھی نقصان پہنچا اور قریبی عمارتوں کے شیشے ٹوٹ گئے۔
گزشتہ ماہ بھی چین میں ایک رہائشی عمارت میں آگ لگنے کا واقعہ پیش آیا تھا جس میں 15 افراد ہلاک اور 44 افراد زخمی ہوئے تھے۔
