چین کے نرسنگ ہوم میں آتشزدگی؛ 20 افراد ہلاک

شمالی چین کے صوبہ ہیبی میں ایک نرسنگ ہوم میں آگ لگنے سے 20 افراد ہلاک ہوگئے۔

بیجنگ کی سرکاری خبر رساں ایجنسی ’شنہوا‘ کے حوالے سے بتایا کہ دارالحکومت بیجنگ سے تقریباً 180 کلومیٹر شمال مشرق میں، لونگہوا کاؤنٹی کے نرسنگ ہوم میں مقامی وقت کے مطابق منگل کو رات 9 بجے (پاکستانی وقت 6 بجے) کے قریب آگ بھڑک اٹھی۔

شنہوا نے رپورٹ کیا کہ بدھ کی صبح 3 بجے تک 20 افراد کی ہلاکت کی تصدیق کی گئی۔

رپورٹ میں کہا گیا کہ نرسنگ ہوم میں موجود دیگر 19 افراد کو مزید مشاہدے اور علاج کے لیے قریبی اسپتالوں میں منتقل کردیا گیا ہے، جبکہ آگ لگنے کی وجہ تحقیقات کی جا رہی ہے۔

کاؤنٹی حکومت نے کہا کہ نرسنگ ہوم کے ذمہ دار ایک فرد کو پولیس نے حراست میں لے لیا ہے۔