کابل میں مسافر بس میں دھماکہ، ایک ہلاک متعدد زخمی

افغانستان دارالحکومت کابل میں مسافر بس میں ہونے والے بم دھماکے میں ایک شخص ہلاک اور 11 زخمی ہوئے ہیں۔

کابل پولیس کے ترجمان خالد زدران نے بتایا کہ دھماکہ کابل کے مغربی علاقے دشتِ برچی میں ہوا ہے۔

کابل کے اس مغربی علاقے میں ہزارہ برادری سے تعلق رکھنے والے اہلِ تشیع افراد کی اکثریت آباد ہے۔

ایک رپورٹ کے مطابق منی بس کے نیچے مقناطیس سے چپکنے والا بم نصب کیا گیا تھا۔

سوشل میڈیا پر ایک بیان میں اس تنظیم کا کہنا تھا کہ اس کے طبی مرکز میں آٹھ زخمی افراد کو لایا گیا جن میں تین خواتین شامل تھیں۔ ان زخمیوں میں سے ایک کی حالت تشویش ناک ہے۔

اس دھماکے کی ذمہ داری فوری طور پر کسی بھی تنظیم یا گروہ نے قبول نہیں کی۔

کابل میں دھماکہ ایک ایسے موقع پر ہوا ہے جب ملک میں 2021 سے برسرِ اقتدار طالبان نے 14 اگست کو امریکہ اور بین الاقوامی افواج کے خلاف ’یومِ فتح‘ منانے اور عام تعطیل کا اعلان کیا ہے۔