ڈیموکریٹک نیشنل کمیٹی کے چیئر جیمی ہیریسن نے کہا ہے کہ نائب صدر کاملا ہیرس نے ڈیلیگیٹس کے اتنے ووٹ حاصل کر لیے ہیں جو ان کی اپنی پارٹی کی صدارتی امیدوار کی حیثیت سےنامزدگی کے لیے کافی ہیں۔
یہ اعلان پیر کو آن لائن ووٹنگ کا عمل ختم ہونے سے پہلے کیا گیا ہے۔
ڈیموکریٹ پارٹی کے مطابق نائب صدر کاملا ہیرس نے ڈیموکریٹک نیشنل کنونشن کے 4 ہزار سے زائد پلیجڈ ڈیلی گیٹس میں سے 3 ہزار 923 ڈیلی گیٹس کی حمایت حاصل کرلی ہے جس سے وہ ڈیمو کریٹ پارٹی کی صدارتی امیدواربننے کی اہل ہوگئی ہیں۔
کاملا ہیرس کو باضابطہ ڈیموکریٹ صدارتی امیدوار ہیر کے روز نامزد کیا جائےگا
مطلوبہ حمایت حاصل کرنے کے بعد کاملا ہیرس امریکہ کی 250 برس کی تاریخ میں بڑے پلیٹ فارم سے صدارتی الیکشن لڑنے والی پہلی غیر سفید فام خاتون بن گئی ہیں اور جیت گئیں تو امریکہ کی پہلی غیرسفید فام صدر ہوں گی۔
ہیریس کسی پارٹی کے سب سے بڑے ٹکٹ پر پہلی غیر سفید فام خاتون امیدوار بننے جا رہی ہیں۔
انہوں نے اپنے حامیوں کے ساتھ ایک کال میں شامل ہوکر کہا کہ وہ “متوقع ڈیموکریٹک امیدوار ہونے کو اعزاز سمجھتی ہیں۔”
انہوں نے مزید کہا کہ “یہ آسان نہیں ہو گا۔ لیکن ہم اسے کر لیں گے۔ آپ کی مستقبل کی صدر کے طور پر، میں جانتی ہوں کہ ہم اس لڑائی کے لیے تیار ہیں۔”
