اپاکستان کے سب سے بڑا شہر بارش کے باعث گھٹنوں گھٹنوں پانی میں ڈوب گیا
رین ایمرجنسی نافذ ہونے کے باجود شہر کے مختلف علاقوں کی کئی شاہراہوں پر پانی جمع ہوگیا۔
آئی آئی چندریگر روڈ، صدر، اولڈ سٹی ایریا سمیت ڈیفنس اور کلفٹن جیسے پوش علاقوں کی سڑکوں پر بھی پانی کھڑا ہوگیا۔
بارش کے باعث کراچی ائیرپورٹ پر مختلف پروازوں کی آمد اور روانگی متاثر ہوئی ہے۔
دوسری جانب بارش کے باعث شہر کے مختلف علاقوں میں بجلی کی فراہمی معطل ہوگئی۔ لیاری، اولڈ سٹی ایریا، کورنگی، لانڈھی، سرجانی ٹاؤن، نارتھ کراچی، نیو کراچی، لیاقت آباد، گارڈن، ملیر اور قائد آباد میں بھی بجلی کی فراہمی معطل ہے۔
واضح رہے کہ محکمہ موسمیات نے کراچی میں آج دوپہر سے بارش کے چار اسپیلز کی پیشگوئی کی تھی جس کے باعث شہر میں رین ایمرجنسی نافذ کر دی گئی تھی۔
بارشوں کی پیشگوئی کے تناظر میں سرکاری اور نجی اداروں میں ہاف ڈے جبکہ شام کی شفٹ کے نجی اور سرکاری اسکولوں میں چھٹی کا اعلان کیا گیا تھا۔
