43
کویت میں رہائشی عمارت میں آگ لگنے سے 41 افراد جان کی بازی ہارگئے جبکہ 43 زخمی ہوئے ہیں۔
حادثہ المنقف علاقے میں واقع رہائشی عمارت میں پیش آیا جہاں ایک ہی کمپنی کے 160 ملازمین رہائش پذیر تھے۔
کویتی حکام نے کہا ہے کہ ’محکمہ شہری دفاع کی ٹیموں نے آگ پر قابو پا لیا ہے، یہ عمارت چھ منزلہ ہے جس میں 43 افراد زخمی ہوگئے اور جنہیں مختلف اسپتالوں میں منتقل کر دیا گیا ہے۔
محکمہ شہری دفاع نے آتشزدگی کے اسباب جاننے کے لیے تفتیش شروع کر دی جبکہ بتدائی تفتیش سے معلوم ہوا ہے کہ عمارت کی زیریں منزل میں گیس سلنڈر رکھے ہوئے تھے جو ممکنہ طور پر آگ لگنے کا سبب ہوسکتے ہیں ۔
کویتی وزیر داخلہ نے عمارت اور کمپنی کے مالک کی گرفتاری کا حکم دے دیا ہے۔
