بھارتی ریاست کیرالہ میں شدید بارشوں کے سبب ضلع وایناڈ میں متعدد گھر لینڈ سلائیڈنگ کی زد میں آ گئے۔
لینڈ سلائیڈنگ کی وجہ سے سینکڑوں افراد کے پھنسے ہونے کا خدشہ بھی ظاہر کیا گیا ہے جبکہ متعدد افراد تاحال لاپتہ ہیں۔
رپورٹس کے مطابق بارش اور لینڈ سلائیڈنگ کے 3 مختلف واقعات میں اب تک 107 افراد کی ہلاکت کی تصدیق ہو چکی ہے جبکہ 116 افراد زخمی ہیں۔
اس حوالے سے بھارتی حکام نے خدشہ ظاہر کرتے ہوئے بتایا کہ نیلمبور میں دریائے چلیار میں بہت سے لوگ بہہ گئے ہیں جبکہ منڈکئی میں کئی مکانات، دکانیں اور گاڑیاں ملبے تلے دب گئی ہیں۔
منڈکئی میں پُل بہہ جانے سے امدادی کارروائیوں میں مشکلات کا سامنا ہے جس کے سبب وزیراعلیٰ کیرالا پنارائی وجین نے عارضی پل بنا کر لوگوں کی مدد کرنے کی ہدایت کی ہے۔
اس کے علاوہ وزیراعلیٰ رائی وجین کا کہنا ہے کہ منڈکئی میں بذریعہ ہیلی کاپٹر لوگوں کو ریسکیو کرنے کیلئے بھی فوج کی مدد لی جائے گی۔
