7
کینیا میں دہشت گردوں کے حملے میں پولیس کے چھ اہلکار ہلاک جبکہ 4 زخمی ہوگئے ہیں۔
پولیس نے بتایا کہ صومالیہ سے متصل سرحد پر مشرقی کاؤنٹی گاریسا میں صومالیہ کی انتہاپسند تنظیم الشباب کے جنگجوؤں نے حملہ کیا ۔
رپورٹ میں بتایا گیا ہے کہ الشباب کے دہشت گردوں نے علی الصبح ایک کیمپ پر دھاوا بول دیا جہاں پولیس کے اہلکار موجود تھے اور وہاں اسلحہ بھی موجود تھا۔
گاریسا کاؤنٹی پولیس کی جانب سے اس حملے میں 6 اہلکاروں کی ہلاکت کی تصدیق کی گئی ہے۔
پولیس حکام کے مطابق حملے میں زخمی 4 اہلکاروں کو اسپتال منتقل کردیا گیا ہے جہاں انہیں طبی امداد دی جا رہی ہے۔
واضح رہے کہ الشباب کئی برسوں سے صومالیہ کی مرکزی حکومت کا تختہ الٹنے کے لیے لڑ رہی ہے تاکہ وہ اپنی حکومت قائم کرسکے۔
