کینیڈا میں بھارتی طالبعلم قتل

کینیڈا میں ایک طالب علم کو کچن میں جھگڑے پر روم میٹ نے چاقو کے وار کر کے قتل کر دیا۔

یہ واقعہ کینیڈا کے شہر سارنیا میں پیش آیا ۔

پولیس کے مطابق لیمبٹن کالج میں زیر تعلیم 22 سالہ بھارتی طالب علم گوراسی سنگھ کو اس کے روم میٹ نے قتل کیا۔

دونوں روم میٹس کے درمیان کچن میں جھگڑا ہوا، جس پر طیش میں آتے ہوئے 36 سالہ کراسلے ہنٹر نے بھارتی طالبعلم کو چاقو کے وار سے قتل کر دیا۔

اس حوالے سے پولیس نے بتایا کہ اطلاع ملنے پر پولیس فوری جائے وقوعہ پر پہنچی اور انہوں نے گوراسی سنگھ کو بری طرح زخمی پایا جبکہ ملزم کراسلے ہنٹر کو بھی موقع پر ہی گرفتار کرلیا گیا۔

پولیس کا کہنا ہے کہ جائے وقوعہ سے شواہد جمع کر لیے گئے ہیں جبکہ ملزم کو عدالت میں بھی پیش کیا جائے گا، کالج کی جانب سے اپنے طالب علم کی موت پر افسوس کا اظہار کیا گیا ہے۔