کینیڈا کے شہر ایڈمنٹن میں بھتہ خوری کے واقعات میں بھارتی نیٹ ورک کے ملوث ہونے کا انکشاف ہوا ہے۔
ایڈمنٹن پولیس کے مطابق ان کو یقین ہے کہ بھتہ خوری سمیت 27 جرائم کی منصوبہ سازی بھارتی گینگ ملوث ہیں جو البرٹا میں مقیم بھارتی نژاد شہریوں کو نشانہ بنا رہے ہیں
رپورٹ کے مطابق بھتہ خوری، آتش زدگی سمیت 27 مختلف جرائم کی وارداتیں گزشتہ سال اکتوبر سے لے کر رواں سال 10 جنوری تک رپورٹ ہوئی ہیں۔ برٹش کولمبیا اور اونٹاریو میں بھی ایسے ہی واقعات رپورٹ ہوئے، جن کی منصوبہ بندی بھارت میں کی گئی جبکہ مقامی ساتھیوں کی مددد سےانجام دی گئیں۔
پولیس کے مطابق جرائم میں ملوث 6 ملزمان گرفتار کر لیے گئے ہیں اور ایک ملزم کینیڈا سے فرار ہوگیا۔
پولیس نے بتایا کہ بھارتی نژاد متاثرین کو واٹس ایپ پر بھتہ دینے کے پیغامات موصول ہوتے تھے، ایک واقعہ میں بھتہ نہ دینے پر زیرِ تعمیر گھروں کو جلایا بھی گیا۔ املاک کے نقصان کا تخمینہ 9 ملین ڈالر لگایا گیا ہے۔
پولیس کے مطابق ہمیں یقین ہے کہ یہ سلسلہ مقامی افراد کے ایک گروپ نے انجام دیا ہے جس کی ہدایت بھارت میں موجود ایک مشتبہ شخص نے کی ہے۔
