ااسرائیلی حکومت کے ترجمان ایلون لیوی نےدعوی کیا ہے کہ اسرائیلی فوج نے غزہ کی پٹی میں فوجی آپریشن کے آغاز سے لے کر اب تک حماس کی القسام بریگیڈز کے کم از کم نصف رہنماؤں کو مار ڈالا ہے۔
لیوی نے غیر ملکی صحافیوں کے لیے منعقد پریس کانفرنس کے دوران کہا کہ آئی ڈی ایف نے اب تک حماس کی بریگیڈز کے نصف رہنماؤں کو مار دیا ہے۔ اسرائیلی افواج بڑی فضائی مدد کے ساتھ غزہ کی پٹی کے اندر پیش قدمی جاری رکھے ہوئے ہیں۔ اس مہم میں حماس کی عسکری صلاحیتوں میں پہلے ہی نمایاں کمی آگئی ہے۔
فوج کے ترجمان ڈینیئل ہگاری نے ایک بیان میں کہا کہ اسرائیلی فوج غزہ میں حماس کو ختم کرنے کے لیے اپنی کارروائیوں کو بڑھا رہی ہے۔ ہم یرغمالیوں کو گھر واپس لانے کے اپنے مشن سے دستبردار نہیں ہوئے۔
انہوں نے مزید کہاعالمی برادری کو کارروائی کرنی چاہیے۔ ریڈ کراس کو ان 138 قیدیوں تک پہنچنے کے قابل ہونا چاہیے جو حماس کے ہاتھ میں ہیں۔ حماس نے 7 اکتوبر کو اسرائیل کے جنوبی سرحدی قصبوں پر شروع کیے گئے اچانک حملے کے دوران 240 اسرائیلیوں کو یرغمال بنایا اور 1200 کے قریب اسرائیلیوں کو مار دیا تھا۔
حماس کے سرکاری میڈیا آفس کے اعداد و شمار کے مطابق 7 اکتوبر سے جاری اسرائیلی آپریشن میں 7ہزار100 بچوں سمیت 16ہزار250 سے زیادہ افراد جان سے گئے
