ہیلی کاپٹر حادثے میں ہلاک ہونے والے ایرانی صدر کی نماز جنازہ ادا، ہزاروں افراد کی شرکت

تین روز قبل ہیلی کاپٹر حادثے میں ہلاک ہونے والے ایران کے صدر ابراہیم رئیسی اور دیگر کی نماز جنازہ ادا کر دی گئی۔

ایران کے سپریم لیڈر آیت اللہ خامنہ ای نے تہران میں ایرانی صدر ابراہیم رئیسی، وزیر خارجہ حسین امیر عبداللہیان اور دیگر کی نماز جنازہ ہ پڑھائی۔

نماز جنازہ میں ہزاروں کی تعداد میں افراد نے شرکت کی۔

ایرانی صدر ابراہیم رئیسی اور ان کے ساتھیوں کی میتیں طیارے کے ذریعے تبریز سے تہران لائی گئیں، ایئرپورٹ پر ہلاک ایرانی صدر کو گارڈ آف آنر پیش کیا گیا۔

ابراہیم رئیسی کی تدفین جمعرات کو آبائی شہر مشہد میں روضہ امام علی رضا علیہ اسلام کے احاطے میں کی جائیگی۔

یاد رہے کہ گزشتہ روز ایران کے شہر قم میں بھی ایرانی صدر ابراہیم رئیسی اور ان کے ساتھیوں کی نماز جنازہ ادا کی گئی تھی۔