امریکی وزیر خارجہ انٹونی بلنکن نے اپنے بیان میں کہا ہے کہ حماس کے زیر حراست اسرائیلی یرغمالیوں کی رہائی اب بھی ممکن ہے تاہم بہت سے مشکل مسائل کا سامنا ہے اور ان کو حل کیے بغیر قیدیوں کی رہائی کے معاہدے پر کوئی پیش رفت ممکن نہیں ہے۔
بلنکن نے مزید کہا کہ ‘ہمیں کچھ بہت مشکل مسائل درپیش ہیں جن کے حل تلاش کرنے کی ضرورت ہے البتہ ہم معاہدہ کو آگے بڑھانے کی ہر ممکن کوشش کر رہے ہیں اور کسی حتمی معاہدے تک پہنچنے کے لیے پر عزم ہیں۔’
بلنکن نے اسرائیل سے مطالبہ کیا ہے کہ وہ ان رپورٹس کی تحقیقات کرے جن کے مطابق اسرائیلی افواج نے ایک امریکی نژاد فلسطینی نوجوان کو مغربی کنارے میں 10 فروری کو ہلاک کیا تھا جو کہ حالیہ ہفتوں میں اس نوعیت کی دوسری موت ہے۔
سترہ سالہ امریکی نژاد فلسطینی نوجوان محمد احمد محمد خدور کی موت کی بابت پوچھے جانے پر جو کہ 19 جنوری کے روز توفیق عبد الجبار کے قتل کے بعد سامنے آئی ہے۔ اسرائیل نے تحقیقات کرنے کی یقین دہانی کرائی ہے۔
