ماہرین کو کائنات میں ایک ایسی چیز کا پتا چلا ہے جو اب تک کی سب سے روشن حقیقت ہے۔ یہ ایک انتہائی وسیع بلیک ہول ہے جو روزانہ ہمارے سورج کے مساوی مواد نگل رہا ہے۔
غیر معمولی طاقت کے حامل اس بلیک ہول کو J0529-4351 کا نام دیا گیا ہے۔
یہ بلیک ہول بنیادی طور پر quasar یعنی کہکشاں کا مرکزی حصہ ہے۔ فلکیات کی اصطلاح میں اسے AGN یعنی ”ایکٹیو گیلیکٹک نیوکلیس“ کہا جاتا ہے۔
آسٹریلین نیشنل یونیورسٹی کے کرسچین وُولف نے بتایا کہ کسی بھی بلیک ہول کے غیر معمولی تجاذب سے چیزیں پھٹ جاتی ہیں اور یوں غیر معمولی روشنی پیدا ہوتی ہے۔ J0529-435 کی روشنی کو ہم تک پہنچنے میں 12 ارب سال لگے ہیں۔
Astronomen haben das vielleicht hellste Objekt in unserem Universum entdeckt. Der Quasar – so nennt man den Kern einer Galaxie – wurde auf den Namen J0529-4351 getauft und scheint 500 Billionen Mal heller als unsere Sonne. https://t.co/iaQoUuYkKb pic.twitter.com/Jg8kwykCf4
— WDR aktuell (@WDRaktuell) February 20, 2024
اس بلیک ہول سے خارج ہونے والی روشنی ہمارے سورج سے خارج ہونے والی روشنی سے 500 کھرب گنا زیادہ ہے۔ اس بلیک ہول کا قطر 7 نوری سال ہے۔
ماہرین کہتے ہیں کہ J0529-435 کا درجہ حرارت 10 ہزار سینٹی گریڈ سے زیادہ ہے اور اس کے دائرے میں چلنے والی ہواؤں کی رفتار اتنی ہے کہ ایک سیکنڈ میں زمین کا چکر لگاسکتی ہیں۔
