Wednesday, July 9, 2025, 12:09 PM
**جیوری نے ٹرمپ کو تمام 34 جرائم میں قصور وار قرار دے دیا **سابق صدر ڈونلڈ ٹرمپ کے خلاف ’ہش منی‘ کیس میں جیوری نے انہیں قصوروار قرار دیا ہے **فیصلے کے بعد صدر ٹرمپ نے ٹرائل کو غیر شفاف قرار دیا **جج متعصبانہ رویہ رکھتے تھے؛ ڈونلڈ ٹرمپ **اس فیصلے کے خلاف اپیل میں جائیں گے؛ ڈونلڈ ٹرمپ **فرد جرم میں ڈونلڈ ٹرمپ کو 34 الزامات کا سامنا تھا
بریکنگ نیوز
Home » یوٹیوب میں ایک اے آئی اسسٹنٹ کو متعارف کرانے پر کام جاری

یوٹیوب میں ایک اے آئی اسسٹنٹ کو متعارف کرانے پر کام جاری

by NWMNewsDesk
0 comment

یوٹیوب میں ایک آرٹی فیشل انٹیلی جنس (اے آئی) اسسٹنٹ کو متعارف کرایا جا رہا ہے۔

گوگل کی جانب سے یو ٹیوب کے اس نئے اے آئی اسسٹنٹ کو صارفین کے ذہنوں میں ویڈیوز کے حوالے سے موجود سوالات کے جواب دینے کے لیے استعمال کیا جائے گا۔

کمپنی کی جانب سے اس اے آئی اسسٹنٹ کی آزمائش امریکہ میں یوٹیوب پریمیئم کے محدود صارفین میں کی جا رہی ہے۔

اس اے آئی اسسٹنٹ سے صارفین ویڈیو دیکھتے ہوئے رئیل ٹائم میں سوالات کے جواب پوچھ سکیں گے۔

banner

جب یہ اے آئی اسسٹنٹ دستیاب ہوگا تو اینڈرائیڈ ڈیوائسز میں یوٹیوب ایپ میں Ask نامی ایک نیا بٹن ویڈیوز کے نیچے نظر آئے گا۔

اس بٹن پر کلک کرکے صارفین اپنے سوالات لکھ کر پوچھ سکیں گے یا پہلے سے موجود پروموٹس استعمال کرکے ویڈیو کا خلاصہ یا مواد سے متعلق تجاویز حاصل کر سکیں گے۔

ایسا کرنے کے بعد اے آئی ٹیکنالوجی ویڈیو فوٹیج کا تجزیہ کرکے صارف کے سوال کے مطابق ردعمل ظاہر کرے گی، جبکہ اس دوران ویڈیو دیکھنے کا عمل متاثر نہیں ہوگا۔

ابھی تمام ویڈیوز کے لیے یہ اے آئی اسسٹنٹ کام نہیں کرے گا بلکہ گوگل کی جانب سے اسے بتدریج توسیع دی جائے گی۔

اب تک اسے اسسٹنٹ کی آزمائش کے ابتدائی نتائج متاثر کن ثابت ہوئے ہیں۔

یہ آزمائشی فیچر فی الحال یکم مئی تک محدود صارفین کو دستیاب ہوگا جس کے بعد فیڈ بیک کو مدنظر رکھ کر اسے یوٹیوب میں مستقل طور پر متعارف کرائے جانے کا امکان ہے۔

مزید پڑھیے

مضامین

بلاگز

 جملہ حقوق محفوظ ہیں   News World Media. © 2024