ایران نے روس کو زمین سے زمین پر مار کرنےوالے سینکڑوں طاقتور بیلسٹک میزائل فراہم کیے ہیں۔
ذرائع کے مطابق تقریباً 400 میزائل جن میں سے 110 ایرانی ساختہ میزائل فتح قسم کے مختصر فاصلے تک مار کرنے والے میزائل بھی شامل ہیں۔ ان فتح قسم کے ایرانی میزائل ذوالفقاربھی شامل ہیں۔
یہ میزائل زمین سے زمین پر 300 سے 700 کلو میٹر تک رینج رکھتے ہیں۔
دوسری جانب یوکرین کی فضائیہ کے ترجمان کا کہنا ہے کہ ان کے پاس سرکاری طور پر کوئی اطلاع نہیں ہے کہ ایران نے روس کو میزائل فراہم کیے گئے ہیں۔ خصوصاً اتنی بڑی تعداد میں میزائل روس پہنچنے کی کوئی بات نہیں ہے۔
ذرائع کی طرف سے بتایا گیا ہے کہ ایران نے میزائلوں سے بھری شپمنٹس جنوری کے آغاز میں روانہ کرنا شروع کی تھیں ، ایرانی فوجی ذمہ دار نے کہا ‘ کچھ میزائل بحیرہ کیسپئین کے راستے روس بھیجے ہیں۔ جبکہ اس کے علاوہ میزائل فضائی راستے سے بھجوائے گئے۔’
ادھر امریکہ کے قومی سلامتی کے لیے ترجمان جان کربی بے پچھلے ماہ کے شروع میں کہا تھا’ امریکہ کو اس بارے میں تشویش ہے کہ روس ایران سے کم فاصلے پر مار کرنے والے بیلسٹک میزائل حاصل کرنے کے ساتھ ساتھ شمالی کوریا سے بھی میزائل حاصل کرنے والا ہے۔
