روس کا ملٹری ٹرانسپورٹ طیارہ یوکرین سے واپسی پر بیلگوروڈ میں گر کر تباہ ہو گیا اور اس میں آگ بھڑک اُٹھی۔ طیارہ کسی امداد ملنے سے پہلے مکمل طور پر جل کر راکھ کا ڈھیر بن گیا۔
اس طیارے میں یوکرین کے 65 جنگی قیدیوں کو روسی قیدیوں سے تبادلے کے لیے لایا جا رہا تھا جب کہ طیارے میں عملے کے بھی 5 ارکان اور 3 روسی فوجی بھی موجود تھے۔ تمام افراد حادثے میں ہلاک ہوگئے۔
حادثے کی ایک ویڈیو میں دیکھا جا سکتا ہے کہ طیارہ تیزی سے عمودی طور پر نیچائی کی جانب جا رہا ہے اور رہائشی علاقے میں زمین پر جا گرتا ہے۔
🚨🇷🇺Russian military plane crashes in Belgorod region, many feared dead
Note–raw video update#Russia #planecrash #Belgorod #BreakingNews #JUSTIN pic.twitter.com/HyGKtSd7cL— EUROPE CENTRAL (@europecentrral) January 24, 2024
ادھر روس کی پارلیمنٹ کے اسپیکر ویاچسلاو ولوڈن نے الزام عائد کرتے ہوئے کہا کہ یوکرین نے جنگی قیدیوں کو لے جانے والے مسافر طیارے کو مار گرایا۔
یاد رہے کہ روس کا IL-76 طیارہ فوجیوں، کارگو اور فوجی ساز و سامان جیسے ٹینک، ہووٹزر اور گولہ بارود کو لے جانے کے لیے ڈیزائن کیا گیا تھا۔
