آئی ایم ایف کا حکومت پاکستان سے ڈو مور کا مطالبہ

صرف بجلی کی قیمت بڑھانے سے کام نہیں چلے گا ۔۔ گیس بھی مہنگی کی جائے، آئی ایم ایف نے حکومت پاکستان سے ڈو مور کا مطالبہ کردیا

زرائع کے مطابق بجلی کے بلوں پر ریلیف دینے کے معاملے پر پاکستان اور آئی ایم ایف حکام کے درمیان رابطہ ہوا

عالمی مالیاتی ادارے نے نگران حکومت کی 400 یونٹ تک بجلی استعمال کرنے والوں کو ریلیف دینے کی تجویز مسترد کردی، جبکہ یکم جولائی سے گیس ٹیرف میں 45 سے 50 فیصد تک اضافے کا مطالبہ کیا ہے

آئی ایم ایف حکام نے 200 یونٹ استعمال کرنے والے بجلی صارفین کے لئے نرمی پر اتفاق کیا ہے ،اس اقدام سے تقریباً 40 لاکھ بجلی صارفین کو وقتی ریلیف ملنے کا امکان ہے

بلز قسطوں میں وصول کرنے کی حتمی منظوری وفاقی کابینہ سے لی جائے گی،400 یونٹ تک ریلیف کی صورت میں 3 کروڑ 20 لاکھ صارفین مستفید ہو سکتے تھے