ابق وزیراعظم و مسلم لیگ (ن) کے صدر شہباز شریف نے کہا ہے کہ پارٹی قائد نواز شریف کی وطن واپسی کی تاریخ تبدیل نہيں کی گئی اور وہ 21 اکتوبر کو ہی پاکستان آئیں گے، نوازشریف مینار پاکستان پر اپنا آئندہ کا لائحہ عمل دیں گے، ترقی کا سفر وہیں سےشروع ہوگا جہاں نوازشریف کے دور میں ختم ہوا تھا۔
لندن میں نواز شریف کی زیر صدارت ن لیگ کی اعلیٰ قیادت کا اجلاس ہوا جس میں شہباز شریف، مریم نواز، اسحاق ڈار اور ديگر رہنما شریک ہوئے۔اجلاس میں نواز شریف کی وطن واپسی کے پروگرام اور قانونی پیچیدگیوں پر غور کیا گیا۔
اجلاس کے بعد میڈیا سے گفتگو میں شہباز شریف کا کہنا تھاکہ 2018 میں قوم کے ساتھ سنگین مذاق کیا گیا، 2018 میں جھرلو الیکشن ہوئے نوازشریف کا مینڈیٹ چھینا گیا، یہ نوازشریف کو اقتدار سے محروم نہیں کیا گیا بلکہ کروڑوں عوام کو خوشحالی سے محروم کیا گیا۔
انہوں نے کہا کہ نواز شریف پاکستان کی ترقی کا سفر جہاں رکا ہوا ہے وہاں سے شروع کریں گے، ملک کی ترقی کا سفر دوبارہ شروع کرانے نوازشریف پاکستان جائیں گے، نوازشریف وطن واپس آکر وطن کی ترقی کے سفر کو دوبارہ شروع کریں گے، 4سال جو تباہی ہوئی راتوں رات یہ تباہی ٹھیک نہیں ہوسکتی، قوی امید ہے کہ لاہور میں نوازشریف کا فقیدالمثال استقبال ہوگا۔
