چین نے امریکی محکمہ خارجہ کی ای میلز چوری کرنے کی تردید کردی

امریکا نے چینی ہیکرز پر محکمہ خارجہ کی 60 ہزار ای میل چوری کرنے کا الزام عائد کیا ہے، تاہم بیجنگ نے جاسوسی میں ملوث ہونے کی تردید کی ہے۔

امریکی محکمہ خارجہ نے بریفنگ میں سینیٹرزکو بتایاگیا کہ محکمہ خارجہ کے 10 مختلف اکائونٹس کی 60 ہزارای میلز چوری کی گئی ہیں۔

رپورٹ کے مطابق امریکی سینیٹر ایرک شمٹ کے عملے نے نام ظاہر نہ کرنے کی شرط پرمتاثرہ افراد کے نام بتائےبغیر کہا کہ ان میں سے ایک کے علاوہ باقی تمام مشرقی ایشیا اور بحرالکاہل میں کام کر رہے تھے۔

بریفنگ کے بعد عملے کے رکن کے ذریعے رائٹرز کو شیئر کی گئی ایک ای میل میں امریکی سینیٹر ایرک شمٹ نے کہاکہ ہمیں مستقبل میں اس قسم کے سائبر حملوں اور مداخلتوں کے خلاف اپنے دفاع کو سخت کرنے کی ضرورت ہے،ہمیں ایک ہی کمپنی پر وفاقی حکومت کے انحصار پر سختی سے نظر ڈالنے کی ضرورت ہے جو ایک ممکنہ کمزوری ہو سکتی ہے۔