امریکا کا بھارت سے ہردیپ سنگھ قتل کیس تحقیقات میں تعاون کا مطالبہ

امریکا نےسکھ رہنما ہردیپ سنگھ نجر کے قتل کی تحقیقات میں ایک باربھارت پرزوردیا ہے کہ وہ کینیڈا کے ساتھ تعاون کرے۔

واسنگٹن ڈی سی میں امریکی وزیرخارجہ انٹونی بلنکن سے بھارتی ہم منصب جے شنکر کی ملاقات میں بلنکن نے اس قتل کی تحقیقات میں کینیڈا سے تعاون کرنے سے متعلق ایک بار پھر زور دیا۔

بھارتی وزیر خارجہ نے دورہ امریکا ایک ایسے وقت میں کیا ہے جب ان کے ملک کو خالصتان تحریک کے قتل پر شدید دباؤکاسامناہے۔

امریکی محکمہ خارجہ کے ترجمان میتھیو ملر نے بھی ہفتہ وار بریفنگ میں نے اس اہم ملاقات کے حوالے سے تفصیلات میں جانے سے گریز کرتے ہوئے کہا تھا کہ امریکا نے بھارت پرزوردیا ہے کہ نجار کے قتل کیس میں تحقیقات میں تعاون کرے ، اس حوالے سے ہم آئندہ بھی کوشش جاری رکھیں گے۔

میڈیا رپورٹس کے مطابق جے شنکرنے انٹونی بلنک کے علاو ہ امریکی قومی سلامتی کے مشیرجیک سلیون سے بھی ملاقات کی۔

https://twitter.com/DrSJaishankar/status/1707514015184801942/photo/1

جے شنکر نے سوشل میڈیا پر جاری بیان میں کہا امریکا اور بھارت کےباہمی تعلقات میں شاندارپیشرفت سامنے آئی ہے، ہم نے مستقبل کے معاملات پربات کی۔