فیفا ورلڈ کپ میزبانی کی خواہش: پاکستان کا سعودی عرب کی حمایت کا اعلان

پاکستان نے فیفا ورلڈ کپ 2034ء کی میزبانی کیلئے سعودی عرب کی کوششوں کی حمایت کا اعلان کر دیا۔

ترجمان دفتر خارجہ نے کہا ہے کہ پاکستان سعودی عرب کی جانب سے 2034ء میں فیفا ورلڈ کپ کی میزبانی کے ارادے کے اعلان کی حمایت کرتا ہے۔

ترجمان دفتر خارجہ نے مزید کہا کہ چاہتے ہیں ہمارا سعودی بھائی اپنی اس کوشش میں کامیاب ہو، یقین رکھتے ہیں کہ سعودی عرب ایک یادگار فیفا ورلڈ کپ کی میزبانی کرے گا۔

ولی عہد اور وزیر اعظم شہزادہ محمد بن سلمان بن عبدالعزیز کی جانب سے اس امر کی تصدیق کی گئی ہے کہ سعودی عرب سال 2034 کے فیفا ورلڈ کپ کی میزبانی کرنے کا خواہاں ہے، سعودی عرب نے فیفا ورلڈ کپ 2034 کی میزبانی کے لئے اپنا نام باضابطہ طور پر پیش کرنے کا بھی اعلان کیا ہے۔