آرمی چیف جنرل سید عاصم منیر سے قطری مسلح افواج کے چیف آف اسٹاف لیفٹیننٹ جنرل سالم حمد عقیل النبیط نے ملاقات کی، جس میں دوطرفہ دفاعی تعلقات اور خطے کی صورتحال پر تبادلہ خیال کیا گیا۔پاک فوج کے سپہ سالار نے کہا کہ پاکستان، قطر کے ساتھ برادرانہ تعلقات کو قدر کی نگاہ سے دیکھتا ہے۔
پاک فوج کے شعبہ تعلقات عامہ (آئی ایس پی آر) کے مطابق قطر کی مسلح افواج کے چیف آف اسٹاف لیفٹیننٹ جنرل سالم حمد عقیل النبیط نے جی ایچ کیو کا دورہ کیا اور پاک فوج کے سربراہ جنرل سید عاصم منیر سے ملاقات کی۔
ملاقات میں باہمی اور پیشہ ورانہ دلچسپی کے امور اور علاقائی سلامتی کی صورتحال پر تبادلہ خیال کیا گیا۔
اس موقع پر پاک فوج کے سربراہ جنرل سید عاصم منیر نے کہا کہ پاکستان قطر کے ساتھ اپنے برادرانہ تعلقات کو خصوصی اہمیت دیتا ہے، پاک فوج قطری مسلح افواج کے ساتھ دفاعی اور سیکیورٹی تعاون بڑھانے کی خواہاں ہے
Lieutenant General (Pilot) Salem Hamad Eqail Al-Nabet, Chief of Staff of Qatar Armed Forces called on General Syed Asim Munir, NI (M), COAS at GHQ, today.#COAS said, #Pakistan values its brotherly relations with #Qatar and #PakistanArmy also looks forward for enhanced… pic.twitter.com/2BJHZO7vvb
— Pakistan Armed Forces News 🇵🇰 (@PakistanFauj) October 12, 2023
قطری چیف آف اسٹاف نے خطے میں امن و استحکام کے لیے پاک فوج کی کوششوں کو سراہا اور دونوں ممالک کے درمیان بہتر تعلقات کے لیے کام جاری رکھنے کے عزم کا اعادہ کیا۔
