غزہ پر اسرائیلی بمباری کا سلسلہ 19 ویں روز بھی جاری ہے
اسرائیلی بمباری ے نتیجے میں مرنے والے فلسطینی شہریوں کی تعداد 6 ہزار 546 سے تجاوز کرگئی ہے۔
فسلطینی وزارت صحت کے مطابق 24 گھنٹوں میں اسرائیلی بمباری سے 344 بچوں سمیت 756 فلسطینی مارے گئے ۔اسرائیلی بمباری سے زخمی فلسطینیوں کی تعداد 17 ہزار 439 ہے ۔
فلسطینی وزارت صحت کے مطابق اسرائیلی بمباری سے 900 بچوں سمیت 1600 لاپتا افراد کی اطلاع ملی ہے، خدشہ ہے کہ لاپتا افراد تباہ شدہ عمارتوں کے ملبوں کے نیچے دبے ہوئے ہیں۔
حماس کے جنگجوؤں نے سات اکتوبر کو اسرائیل پر حملے کے دوران 222 افراد کو یرغمال بنا لیا تھا۔ حملے میں 1400 اسرائیلی ہلاک بھی ہوئے تھے
غزہ کی صورتحال پر اقوام متحدہ کے سلامتی کونسل کے اجلاس میں سیکریٹری جنرل اینتونیو گوتریس نے کہا کہ غزہ میں بین الاقوامی قوانین کی کھلی خلاف ورزیاں جاری ہیں۔انتونیو گوٹیرس نے فلسطین کے بیانیے کی تائید کرتے ہوئے کہا اسرائیل پر حماس کے حملے کے پیچھے 56 سال کا قبضہ ہے۔
The situation in the Middle East is growing more dire by the hour.
At a crucial moment like this, it is vital to be clear on the fundamental principle of respecting & protecting civilians. pic.twitter.com/TpDcQz0Bkc
— António Guterres (@antonioguterres) October 25, 2023
اسرائیل نے خطاب پرردعمل دیتے ہوئےگوٹیرس سے مستعفی ہونے کا مطالبہ کردیا اور اسرائیلی وزیر خارجہ ایلی کوہن نےانتونیو گوٹیرس سے ملنے سے انکار کردیا۔
دوسری جانب ترکیہ کے صدر رجب طیب اردوان نے اسرائیل کا دورہ منسوخ کردیا ہے۔
ترک صدر کا کہنا ہے کہ حماس دہشتگرد گروہ نہیں ہے، حماس آزادی پسند گروہ ہے جو اپنی سرزمین کی حفاظت کے لیے لڑ رہا ہے۔
