ورلڈ کپ کے اہم میچ میں آسٹریلیا نے سنسنی خیز مقابلے کے بعد نیوزی لینڈ کو 5 رنز سے شکست دیدی،کیوی ٹیم 389 رنز کے تعاقب میں 383 رنز بناسکی، راچن رویندرا کی جارحانہ سنچری بھی رائیگاں گئی۔
آسٹریلوی ٹیم نیوزی لینڈ کیخلاف پہلے بیٹنگ کرتے ہوئے 49.2 اوورز میں 388 رنز بنا کر آؤٹ ہوگئی تھی۔ آسٹریلیا کی طرف سے ٹریوس ہیڈ نے 67 گیندوں پر109رنز بنائے
ڈیوڈوارنر نے 81 ، گلن میکس ویل نے41، جوش انگلس نے 38،پیٹ کمنز نے37 اور مچل مارش نے36رنز کی اننگز کھیلی۔
نیوزی لینڈ کو 61 رنز کی اوپننگ شراکت ملی تاہم ڈیون کونوے 28 اور ول ینگز 32 رنز بنا کر پویلن لوٹ گئے، تاہم راچن رویندرا اور ڈیرل مچل کے درمیان 96 رنز کی قابل قدر شراکت قائم ہوئی۔
کیوی ٹیم مقررہ 50 اوورز میں 9 وکٹوں کے نقصان پر 383 رنز بناسکی، آسٹریلیا نے میچ 5 رنز سے اپنے نام کرلیا۔
کینگروز کی جانب سے ایڈم زمپا نے 3، پیٹ کمنز اور جوش ہیزل ووڈ نے 2، 2 کھلاڑیوں کو آؤٹ کیا۔
