43
امریکا کا فوجی طیارہ تربیتی مشن کے دوران مشرقی بحیرہ روم میں گر کر تباہ ہوگیا، واقعے میں 5 امریکی فوجی ہلاک ہوگئے۔
یو ایس یورپی کمانڈ نے تصدیق کی ہے کہ طیارہ جمعہ کی شام کو گر کر تباہ ہوا، (EUCOM) نے کہا کہ عملے کے پانچوں ارکان اس وقت مارے گئے جب طیارہ فوجی تربیت کے ایک حصے کے طور پر معمول کے فضائی ایندھن بھرنے کے مشن کے دوران گر گیا تھا۔
رپورٹ کے مطابق فوج کاکہنا تھا کہ واقعے کی تحقیقات کی جا رہی ہیں، اس میں کسی دشمنانہ سرگرمی کے ملوث ہونے کے کوئی اشارے نہیں ملے ہیں۔
ای یو کام نے اتوار کو بتائا کہ قریبی امریکی فوجی طیارے اور بحری جہاز کے ذریعے گرنے والے طیارے کی تلاش اور بچاؤ کی کوششیں فوری طور پر شروع کی گئیں۔
