پولیس نے 15 نومبر کو وزیر اعظم نریندر مودی کے دورہ کے دن لارڈ برسا منڈا کے گاؤں الیہاتو میں خودکشی کرنے کا اعلان کرنے والے چار قبائلی کارکنوں کو گرفتار کیا ہے
ہندوستان کی مردم شماری میں قبائلیوں کی آزادانہ مذہبی گنتی کا مطالبہ کرنے والے ’آدیواسی سینگال ابھیان‘ کے سربراہ سالکھن مرمو نے کہا ہے کہ خودکشی کی دھمکی دینے والے تنظیم کے چار کارکنوں کو پولیس نے گرفتار کیا ہے
آدیواسی سینگال ابھیان نامی تنظیم کے کارکنوں نے خودکشی کی دھمکی دیتے ہوئے کہا تھا کہ اگر وزیر اعظم ہندوستان کی مردم شماری میں قبائلیوں کے لیے علیحدہ مذہبی ضابطہ کی فراہمی کا اعلان نہیں کرتے ہیں تو وہ اسی دن وہیں خودکشی کر لیں گے۔
خیال رہے کہ ہندوستان میں مردم شماری کے لیے استعمال ہونے والے فارم میں مذہب کے کالم میں قبائلی برادری کے لیے الگ شناخت درج کرنے کا کوئی آپشن نہیں ہے۔