بھارتی ریاست کیرالہ کی ایک یونیورسٹی میں میوزک کنسرٹ کے دوران بھگدڑ مچنے سے 4 طلبا چل بسے جبکہ کم از کم 60 دیگر زخمی ہ گئے۔
بھارتی میڈیا کے مطابق گلوکارہ نکیتا گاندھی جن کے کنسرٹ سے قبل بھگدڑ مچ گئی، حکام نے بتایا کہ بھگدڑ مچنے کا یہ واقعہ اس سے پہلے پیش آیا جب گلوکارہ کو کوچی کے قریب کوچن یونیورسٹی آف سائنس اینڈ ٹیکنالوجی کے اوپن ایئر آڈیٹوریم میں سٹیج پر آنا تھا۔
رپورٹس میں کہا گیا ہے کہ صرف ٹکٹ والے افراد کو آڈیٹوریم میں داخلے کی اجازت تھی لیکن جب بارش شروع ہوئی تو صورتحال اچانک تبدیل ہوئی اور باہر انتظار کرنے والے لوگ پناہ لینے کے لیے اندر گھس گئے، دھکم پیل ہوئی اور بھگدڑ میں کچھ طلبہ پھسل کر گرگئے۔
ریاستی وزیر صحت وینا جارج کے مطابق دو لڑکوں اور دو لڑکیوں سمیت چار طالب علموں کی موت ہو گئی جبکہ 60 سے زیادہ دیگر کالاماسری میڈیکل کالج ہسپتال اور آس پاس کے ہسپتالوں میں زیرِعلاج ہیں۔
واقعے کے بعد نکیتا گاندھی نے ایک انسٹاگرام سٹوری میں لکھا کہ ’آج شام کوچی میں جو کچھ ہوا اس سے دل ٹوٹ کر رہ گیا۔ یہ افسوسناک واقعہ اس سے پہلے پیش آیا کہ جب میں نے پرفارمنس کے لیے پنڈال کے لیے روانہ ہونا تھا۔
