اقوام متحدہ کے سیکریٹری جنرل انتونیو گوتیریس نے عالمی رہنماؤں سے کہا ہے کہ فوسل فیول کو جلانا بالکل بند ہونا چاہیے، اس کے استعمال میں کمی گلوبل وارمنگ کو روکنے کے لیے کافی نہیں ہو گی۔
سربراہی اجلاس کی افتتاحی تقریب سے خطاب کرتے ہوئے اقوام متحدہ کے سربراہ نے کہا کہ 1.5 ڈگری کی حد صرف اس صورت میں ممکن ہے جب ہم تمام فوسل فیول کا کا استعمال کم نہیں کریں بلکہ اسے مکمل طور پر ختم کر دیں۔
انہوں نے فوسل فیول کمپنیوں پر زور دیا کہ وہ قابل تجدید توانائی کے ذرائع کی جانب منتقلی کے لیے سرمایہ کاری کریں اور حکومتوں سے کہا کہ وہ اس تبدیلی کو نافذ کرنے کے لیے صنعت سے حاصل ہونے والے ٹیکسز کے ذریعے ان کی مدد کریں۔
انہوں نے کہا کہ میں حکومتوں سے درخواست کرتا ہوں کہ وہ صنعت کو ریگولیٹ کرکے، قانون سازی کرکے، کاربن پر مناسب لاگت ڈال کر، فوسل فیول پر سبسڈی ختم کرکے اور منافع پر ٹیکس عائد کر کے صحیح انتخاب کرنے میں مدد کریں۔