امریکہ کے قومی سلامتی کے نائب مشیر جان فنر کی سربراہی میں ایک اعلیٰ وفد نے بھارت کا دورہ کیا ہے
وفد نے امریکہ کی سرزمین پر سکھ رہنما کے قتل کی منصوبہ بندی میں مبینہ طور پر نئی دہلی کے ملوث ہونے کے معاملے پر حکام سے بات چیت کی۔
وائٹ ہاؤس کے مطابق جان فنر نے نئی دہلی میں بھارتی وزیرِ خارجہ ایس جے شنکر اور بھارت کی قومی سلامتی کے مشیر اجیت دوول سے ملاقاتیں کی ہیں۔
وائٹ ہاؤس کے ترجمان میتھیو ملر نے پریس کانفرنس کے دوران بتایا کہ جان فنر نے سکھ رہنما کے قتل کی منصوبہ بندی کی تحقیقات کے لیے بھارت کی جانب سے کمیٹی کے قیام اور ملوث شخص کو انصاف کے کٹہرے میں لانے کی اہمیت کو سراہا۔
گزشتہ ہفتے امریکی محکمۂ انصاف نے الزام عائد کیا تھا کہ بھارتی حکومت کے عہدیدار نے امریکی سرزمین پر ایک علیحدگی پسند سکھ رہنما کے قتل کا حکم دیا تھا۔
امریکی حکام کے مطابق سکھ فار جسٹس تحریک کے رہنما گورپتونت سنگھ پنوں کے قتل کی منصوبہ بندی کی گئی تھی۔
گورپتونت سنگھ امریکہ اور کینیڈا کی شہریت رکھتے ہیں اور وہ خالصتان تحریک کے سرگرم رہنما ہیں۔
