لندن میں موجود یورپ کی سب سے بڑی مساجد میں شمار ہونے والی مسجد کو بم کی اطلاع پر خالی کروالیاگیا۔
لندن کے ٹاور ہیملٹس میں واقع 7 ہزار نمازیوں کی گنجائش رکھنے والی ایسٹ لندن مسجد کو دھمکی آمیز ای میل موصول ہوئی جس میں کہا گیا تھا کہ مسجد کے اندر بم موجود ہے۔ای میل میں دھمکی دی گئی کہ مسجد میں موجود بم کو نماز کے دوران دھماکے سے اُڑا دیا جائے گا
🚨BREAKING: Due to an emergency, the Mosque has been evacuated. Report of Bomb threat. #EastLondon #ELM #London pic.twitter.com/In65D8ptP0
— ابو نيوز (@un121) December 7, 2023
پولیس نے مسجد کو خالی کرالیا اور بم ڈسپوزل اسکواڈ نے مکمل تلاشی لی۔ کوئی بم یا بارودی مواد نہ ملنے پر مسجد کو کلیئر قرار دیدیا گیا ۔
میٹ پولیس کے مطابق مسجد کو موصول ہونے والے دھمکی آمیز پیغام کی تحقیقات جاری ہیں۔
اس سے قبل مشرقی لندن میںموجودپرائمری اسکول کو بھی دھمکی آمیز خط موصول ہونے پر خالی کرالیا گیا تاہم اسکول سے بھی کوئی مشتبہ چیز برآمد نہیں ہوئی تھی۔
