روسی وزارتِ خارجہ نے منگل کو کہا کہ روس اور ایران ایک “بڑے نئے بین الریاستی معاہدے” پر کام کو تیز کریں گے۔
ایک بیان میں روس نے کہا کہ دونوں ممالک کے وزرائے خارجہ نے پیر کو ایک فون کال میں معاہدے پر کام کی رفتار تیز کرنے پر اتفاق کیا جو “تیاری کے اعلیٰ مرحلے” پر تھا۔
گذشتہ ہفتے صدر ولادیمیر پوتن نے کریملن میں ایرانی صدر ابراہیم رئیسی کے ساتھ پانچ گھنٹے تک بات چیت کی۔
کریملن کا کہنا ہے کہ روس اور ایران اپنے تعلقات کو فروغ دے رہے ہیں جس میں “فوجی-تکنیکی تعاون کے شعبے بھی شامل” ہیں۔
ایرانی حکام نے کہا ہے کہ روس کے ساتھ فوجی تعاون روز بروز بڑھ رہا ہے۔
ایران نے گذشتہ ماہ کہا تھا کہ اس نے روس کو ایس یو-35 لڑاکا طیارے، ایم آئی-28 حملہ آور ہیلی کاپٹر اور یاک 130 پائلٹ تربیتی طیارے فراہم کرنے کے انتظامات کو حتمی شکل دے دی تھی۔