بھارتی حکومت کی جانب سے اپنے صحافیوں اور اپوزیشن رہنماؤں کی جاسوسی سے متعلق خبردار کرنے پر مودی سرکار نے امریکی ٹیکنالوجی کمپنی ایپل (Apple)کے خلاف ایکشن لے لیا۔
بھارتی صحافیوں اور اپوزیشن کی جاسوسی سے متعلق خبردار کرنے پر بی جے پی عہدیداروں نے الٹا کمپنی کے الگو رتھمز (algorithms) کے ٹھیک ہونے سے متعلق ہی سوال اٹھا دیے۔
اس کے ساتھ ہی بی جے پی کے عہدیداروں نے کمپنی کی ڈیوائسز کی سکیورٹی سے متعلق تحقیقات کا مطالبہ بھی کیا ہے۔
بھارتی سرکا نے ایپل کے سکیورٹی ایکسپرٹ سے مطالبہ کیا ہے کہ کمپنی کی جانب سے یوزر کو دی جانیوالی جاسوسی وارننگ کی کوئی دوسری توجیہہ پیش کریں۔
دوسری جانب اسرائیل کے پیگاسس اسپائی ویئر کا درجنوں ممالک میں صحافیوں اور انسانی حقوق کے سرگرم کارکنوں کے خلاف استعمال ہونے کا انکشاف ہوا ہے۔
ایمنسٹی انٹرنیشنل اور امریکی اخبار نے مشترکہ تحقیقات کی بنیاد پر تصدیق کی ہے کہ بھارتی حکومت نے اسرائیل سے لیے گئے پیگاسس اسپائی ویئر کی مدد سے صحافیوں کی ایک بارپھر جاسوسی کی ہے۔
رپورٹ کے مطابق بھارتی حکومت نے دی وائر کے صحافی سدھارتھ ورداراجن اور آرگنائزڈ کرائم اینڈ کرپشن رپورٹنگ پروجیکٹ سے وابستہ آنند منگنالے کی اکتوبر میں جاسوسی کی۔
