کینیڈا نے دنیا بھر کے باصلاحیت فری لانسرز کو خصوصی ریموٹ ورک ویزا کی پیشکش کی ہے۔
کینیڈین حکومت نے نئی ویزا پالیسی تیار کی ہے جس کے تحت فری لانسرز اور ”ڈجیٹل نومیڈز“ دفتر آنے کے پابند بھی نہ ہوں اور زیادہ سہولتوں کے ساتھ کام کرسکیں گے۔
فری لانسرز اور گھر بیٹھے کام کرنے والے ہائی ٹیک ماہرین کو ویزا ”انڈیپینڈنٹ کنٹریکٹر“ کے ٹائٹل کے ساتھ دیا جائے گا۔ ایسے افراد کینیڈا میں کہیں بھی بیٹھ کر آزادانہ کام کرسکیں گے۔
فری لانسرز کو اس سے قبل وزیٹر ویزا پر کینیڈا میں زیادہ سے زیادہ 6 ماہ تک کام کرنے کی اجازت دی جاتی تھی۔
امیگریشن، ریفیوجیز اور سٹیزن شپ کی کینیڈین وزارت کی ترجمان ازابیلی ڈبوبوئز نے امید ظاہر کی ہے کہ کینیڈا کی طرف سے دی جانے والی رعایتوں اور سہولتوں سے مستفید ہوتے ہوئے دنیا بھر کے ذہین اور باصلاحیت ہائی ٹیک ورکرز کینیڈا میں رہنے اور یہاں کے آجروں کو خدمات فراہم کرنے کو ترجیح دیں گے۔
