سعودی شاہی خاندان کی دولت ایلون مسک اور بل گیٹس سے بھی زیادہ نکلی

سعودی عرب کا شاہی خاندان 1 اعشاریہ 4 کھرب ڈالر کے ساتھ دنیا کا سب سے امیر ترین خاندان بن گیا ہے۔

سعودی شاہی خاندان نے دولت مندی میں دنیا کے تمام خاندانوں کو پیچھے چھوڑ دیا، سعودی رائل فیملی کی دولت برطانوی بادشاہ شاہ چارلس کے خاندان سے تقریباً 16 گنا زیادہ بتائی گئی ہے۔

ایلون مسک کے ذاتی اثاثوں کی مالیت 236 ارب 10 کروڑ ڈالر جبکہ بل گیٹس کے ذاتی اثاثوں کی مالیت 197 ارب 70 کروڑ ڈالر ہے۔ سعودی شاہی خاندان کے اثاثوں کی مالیت 1400 ارب ڈالر ہے۔

معروف جریدے ”بزنس ڈے“ نے ایک رپورٹ میں بتایا ہے کہ سعودی شاہی خاندان 15 ہزار نفٓوس پر مشتمل ہے تاہم ان میں 2 ہزار افراد زیادہ موثر ہیں اور وہی تمام اہم فیصلوں میں کلیدی کردار ادا کرتے ہیں

رپورٹ میں کہا گیا ہے کہ سعودی رائل فیملی کی مجموعی دولت دنیا کے 2 امیر ترین اشخاص ایلون مسک اور بل گیٹس کی مجموعی دولت سے بھی زیادہ ہے، سعودی خاندان نہ صرف امیر ترین بلکہ دنیا کا سب سے طاقتور خاندان بھی ہے

۔