پاکستان میں انتخابی گہما گمی کا آغاز ہوگیا ہے
سابق وزیر اعظم اور مسلم لیگ ن کے قائد نواز شریف نے الیکشن مہم کا اپنا پہلا خطاب کرتے ہوئے کہا کہ ’میرا مشن پاکستان کو اپنے قدموں پر کھڑا کرنا ہے اور میں یہ کر کے رہوں گا۔‘
نواز شریف نے جمعرات کو پنجاب کے شہر حافظ آباد میں جلسے سے خطاب کرتے ہوئے کہا کہ ’اگر مجھے وزیراعظم ہاؤس سے نکالا نہ جاتا تو آج کوئی بھی بے روزگار نہ ہوتا۔ اگر نواز شریف کو بار بار جعلی مقدمات میں الجھایا نہ جاتا تو آج پاکستان کا مقام کہیں اونچا ہوتا۔
" I deeply missed my public every second and every minute. Had I not been removed, unemployment wouldn’t be an issue." @NawazSharifMNS
#حافظ_آباد_شیر_کا pic.twitter.com/8cyPKDnTnW
— PMLN (@pmln_org) January 18, 2024
انہوں نے کہا کہ ’اگر مجھے اقتدار سے نہ نکالا جاتا تو پاکستان دنیا میں ایک منفرد مقام حاصل کر چکا ہوتا۔ واقعتاً پاکستان ایشین ٹائیگر بن چکا ہوتا۔‘ نواز شریف نے اپنی مختصر تقریر میں اپنے سیاسی بیانیے کے بارے میں کوئی بات کی اور نہ ہی پارٹی کے انتخابی منشور پر بات کی۔
انہوں نے اپنی تقریر ختم کرتے ہوئے مریم نواز کو جلسے سے خطاب کرنے کو کہا۔
مریم نواز کا کہنا تھا کہ ’28 مئی اور 9 مئی صرف تاریخ نہیں پوری داستان ہیں۔ 28 مئی والے نے پاکستان کو ایٹمی طاقت بنایا، مہنگائی اور لوڈشیڈنگ کا خاتمہ کیا۔ 28 مئی والے موٹر ویز اور سڑکوں کے جال بچھانے والے ہیں۔‘
انہوں نے کہا کہ ’میں نے وعدہ کیا تھا کہ نواز شریف کو واپس لے آؤں گی آج میں نے وعدہ پورا کر دیا ہے۔
"This is my first visit to Hafizabad, and the overwhelming love and support I’ve witnessed here will stay etched in my memory forever." @MaryamNSharif
#حافظ_آباد_شیر_کا pic.twitter.com/AOtfZHPxL3
— PMLN (@pmln_org) January 18, 2024
مریم نواز نے کہا کہ ’جو آپ کے ہاتھ میں پیٹرول بم اور ڈنڈے دیتا ہے ، وہ آپ کا ہمدرد نہیں ہو سکتا۔‘
