60
جرمنی میں ارکان پارلیمنٹ نے پناہ گزینوں کے لیے قوانین مزید سخت کرنے کی منظوری دے دی ہے۔
متعارف کرائے جانے والے نئے قواعد سے پولیس کو ایسے افراد کی تلاش کا اختیار ملا ہے جن کو جرمنی چھوڑ دینے کا حکم دیا گیا ہو ۔ پولیس اب تارکین وطن کی شناخت کے لیے اُن سے پوچھ گچھ بھی کر سکے گی۔
اسی طرح ایسے افراد کی بیدخلی سے قبل حراست میں رکھنے کی مدت 10 سے بڑھ کر 28 دن کردی گئی ہے۔
وزیر داخلہ نینسی فیزر نے کہا ہے کہ پناہ گزینوں کی واپسی کے عمل کو بہتر بنایا جا رہا ہے اور یقینی بنا رہے ہیں کہ ایسے افراد جن کو ملک میں ٹھہرنے کا قانونی حق نہیں اُن کی واپسی کا عمل تیزی سے ہو۔
وزیر داخلہ نے کہا کہ پناہ کا حق نہ رکھنے والے لوگوں کو ان کے آبائی ممالک میں واپس بھیجنے سے ایسے افراد کے لیے وسائل مہیا ہوں گے جنہیں پناہ کی ضرورت ہے۔
