بالی وڈ اداکار اجے دیوگن، مادھاون اور جوتیکا کی نئی تھرلر فلم ’شیطان‘ رواں برس 8 مارچ کو ریلیز ہونے جا رہی ہے۔
اس فلم کے ڈائریکٹر وکاس باہل ہیں جس میں اداکار اجے دیوگن، مادھاون اور جوتیکا اپنے فن کے جوہر دکھائیں گے۔
اس فلم میں نوجوان اداکارہ جانکی بودیوالہ بھی ڈیبیو کریں گی۔
اجے دیوگن نے انسٹاگرام پر فلم کا پوسٹر شیئر کرتے ہوئے لکھا کہ آپ کے لیے شیطان آرہی ہے جو 8 مارچ کو سنیما گھروں کی زینت بنے گی۔
View this post on Instagram
یہ فلم ’جیو سٹوڈیو، اجے دیوگن فلمز اور پینوراما سٹیوڈیوز انٹرنیشنل نے پیش کی ہے اور اس کے پروڈیوسر اجے دیوگن، جیوتی دیش پانڈے، کمار مانگٹ پاٹھک اور ابھیشیک پاٹھک ہیں۔
اجے دیوگن ان دنوں فلم ’ریڈ 2‘ کی شوٹنگ میں مصروف ہیں۔ فلم میں رتیش دیش مکھ ولن کا کردار ادا کر رہے ہیں۔ اس کے علاوہ انہوں نے ’سنگم اگین‘ سیکوئل کا بھی اعلان کیا ہے جو 2024 میں ریلیز ہوگی۔