روسی جیٹ طیارہ افغانستان میں لاپتا، ہلاکتوں کا خدشہ

روس کے محکمہ ایوی ایشن نے کہا ہے کہ ازبکستان سے بھارت کے راستے ماسکو جانے والا چھوٹا چارٹر طیارہ ہفتے کی شام افغانستان کے مقام پر ریڈار سے غائب ہو گیا تھا جس کی تلاش جاری ہے۔

روسی ایوی ایشن نے اپنے بیان میں کہا کہ فرانسیسی ساختہ جیٹ طیارہ روس میں رجسٹرڈ تھا اور ابتدائی اعداد و شمار کے مطابق اس میں عملے کے 4 ارکان اور 2 مسافروں سمیت 6 افراد سوار تھے۔

بھارت کی سول ایوی ایشن اتھارٹی نے کہا کہ لاپتا ہونے والا طیارہ شیڈول کمرشل فلائیٹ یا بھارتی چارٹرڈ طیارہ نہیں تھا۔

بدخشاں صوبے کی پولیس کے ترجمان نے کہا طیارہ افغانستان کے صوبہ بدخشاں کے پہاڑی علاقے میں گرنے کی اطلاعات موصول ہوئی ہیں۔

صوبائی محکمہ اطلاعات و ثقافت کے ایک عہدیدار ذبیح اللہ امیری نے بتایا کہ کران و منجان ضلع کے علاقے توپخانہ میں ٹیم کو جائے حادثہ کی جانب روانہ کیا گیا ہے۔