غزہ میں جنگ شروع ہونے کے بعد سے عراق میں امریکی افواج کے اڈوں پر حملوں کے تسلسل میں الانبار کے مغرب میں واقع عین الاسد بیس پر دوبارہ میزائل حملے کیے گئے ہیں۔
حملے میں عراقی انبار گورنری میں عین الاسد کے اڈے کو 20 سے زیادہ میزائلوں سے نشانہ بنایا گیا۔
دو سکیورٹی ذرائع اور ایک حکومتی ذریعے نے بتایا کہ حملہ آوروں نے عین الاسد ایئر بیس پر امریکی فورسز پر کئی میزائل داغے۔
حملے کے نتیجے میں عراقی اڈے پر موجود دو امریکیوں سمیت متعدد عراقی سکیورٹی فورسز کے ارکان شدید زخمی ہوئے۔
حزب اللہ اور تحریک النجابہ ملیشیا نے اس حملے کی ذمہ داری قبول کی ہے۔
اکتوبر کے وسط سے اسرائیل اور حماس کے درمیان غزہ میں جنگ شروع ہونے کے دس دن بعد امریکی افواج اور بین الاقوامی اتحادی افواج کے مراکز پر میزائلوں اور ڈرونزسے سیکڑوں حملے کیے گئے ہیں۔
واشنگٹن نے 17 اکتوبرسے عراق اور شام میں اپنی افواج کے خلاف 106 سے زیادہ حملوں کا اعتراف کیا ہے۔
