پاکستان اور ایران کے درمیان کشیدہ صورتحال میں بہتری آنے کے بعد دونوں ممالک کے سفیروں کو واپس بھیجنے کا فیصلہ کیا گیا ہے۔
ترجمان دفتر خارجہ کی جانب سے جاری اعلامیے میں بتایا گیا ہے کہ پاکستان اور ایران کے وزرائے خارجہ کی ٹیلیفونک گفتگو کے بعد باہمی طور پر اس بات پر اتفاق کیا ہے کہ اسلام آباد اور تہران کے سفیر 26 جنوری سے دوبارہ اپنی ذمہ داریاں سنبھال لیں گے۔
دفتر خارجہ کے ترجمان کی جانب سے جاری بیان میں یہ بھی کہا گیا ہے کہ نگران وزیر خارجہ جلیل عباس جیلانی کی دعوت پر ایرانی وزیر خارجہ حسین عامر عبدالہیان 29 جنوری کو پاکستان کا دورہ کریں گے۔
🔊: PR NO. 2️⃣3️⃣/2️⃣0️⃣2️⃣4️⃣
Joint Press Statement of the Islamic Republic of Pakistan and the Islamic Republic of Iran
🔗⬇️ https://t.co/4ScCGZJKPz pic.twitter.com/7ajcpnkZrz
— Spokesperson 🇵🇰 MoFA (@ForeignOfficePk) January 22, 2024
واضح رہے کہ پاکستان اور ایران کے درمیان گزشتہ دنوں جاری رہنے والی کشیدگی کے خاتمے کے بعد دونوں ممالک کے سفیر دوبارہ بحال کئے جا رہے ہیں۔یاد رہے کہ گذشتہ منگل کی رات ایران نے پاکستان کے صوبہ بلوچستان کے ضلع پنجگور میں بلوچ عسکریت پسند گروپ جیش العدل کے دو ٹھکانوں کو میزائلوں اور ڈرونز سے ہدف بنانے کا دعوی کی تھا۔
پاکستان نے اس حملے پر ایران سے شدید احتجاج کرتے ہوئے تہران سے اپنا سفیر واپس بلاتے ہوئے اور پاکستان میں تعینات ایرانی سفیر کو اسلام آباد واپسی سے روک دیا تھا۔
ایرانی حملے کے ایک روز بعد پاکستان نے ایران کے صوبے سیستان بلوچستان میں فوجی کارروائی کر کے بلوچ عسکری تنظیموں کے ٹھکانوں کو نشانہ بنایا تھا۔
