امریکہ کی تاریخ میں پہلی بار ریاست الاباما میں قتل کے ایک مجرم کو نائٹروجن گیس کی مدد سے سزائے موت دے دی گئی۔
ریاستی جیل حکام کے مطابق 58 برس کے کینتھ اسمتھ کے چہرے پر ایک ماسک لگایا گیا جس کے ذریعے تقریباً 15 منٹ تک نائٹروجن گیس کا اخراج کیا گیا جو مجرم کی موت کا سبب بنی
ریاست الاباما کے حکام نے بتایا کہ کینتھ اسمتھ کی سزا پر عمل درآمد میں 22 منٹ لگے۔ کینتھ گیس ملنے کے بعد بیس منٹ تک ہوش و حواس میں رہے، آخری دو منٹ کے دوران ان کے جسم نے متعدد جھٹکے لیے اور وہ تڑپتے ہوئے نظر آئے۔ وہ کئی منٹ تک لمبی لمبی سانسیں لینے کی کوشش کرتے رہے اور بعد ازاں ان کی سانس بند ہو گئی۔
اس سے قبل ریاست الاباما میں کسی بھی مجرم کی سزائے موت پر عمل درآمد کے لیے مہلک انجیکشن کا استعمال کیا جاتا تھا۔
کرائے کے قاتل ایک پادری کی اہلیہ کو معاوضے کے عوض قتل کرنے کے جرم میں موت کی سزا سنائی گئی تھی۔