بلوچستان کے علاقے قلعہ سیف اللہ میں آپریشن،7 فروری دھماکوں کا ماسٹر مائنڈ مارا گیا

پاکستان شورش زدہ صوبے بلوچستان کے قلعہ سیف اللہ میں آپریشن کے دوران 7 فروری کے دھماکوں کا ماسٹر مائنڈ مارا گیا۔

پاک فوج کے شعبہ تعلقات عامہ کے مطابق بلوچستان کے قلعہ سیف اللہ میں انٹیلی جنس بیسڈ آپریشن کیا گیا۔ آپریشن میں 7 فروری کو قلعہ سیف اللہ اور پشین دھماکوں کا ماسٹر مائنڈ مارا گیا۔

آئی ایس پی آر نے دعوی کیا کہ مارا جانے والا دہشت گرد عبدالشکور عرف نعمان عرف ابو حمزہ خراسانی قانون نافذ کرنے والے اداروں کو انتہائی مطلوب تھا۔

آئی ایس پی آر کے مطابق مارے جانے والے دہشت گرد نے بلوچستان میں ہائی پروفائل خودکش بم حملے کرنے کی منصوبہ بندی بھی کی۔ بروقت اور فوری کارروائی سے دہشت گردی کے منصوبوں کو ناکام بنایا گیا۔