برطانوی وزیر خارجہ ڈیوڈ کیمرون نے کہا ہے کہ پاکستان میں انتخابات کی شفافیت پر پیدا ہونے والے سنگین خدشات کو تسلیم کرتے ہیں ، افسوس ہے تمام جماعتوں کو باضابطہ طور پر انتخابات میں حصہ لینے کی اجازت نہیں دی گئی تھی، کچھ سیاسی رہنماؤں کو الیکشن میں شرکت سے روکنے اور ان سے منسوب انتخابی نشانات کے استعمال کو روکنے کے لیے قانونی طریقہ کار کا غلط استعمال کیا گیا
برطانوی وزیر خارجہ نے کہا ہمیں پولنگ کے دن انٹرنیٹ کی بندش، نتائج جاری کرنے میں تاخیر اور ووٹوں کی گنتی کے عمل میں بے ضابطگیوں کے الزمات پر سخت بھی تشویش ہے۔
ڈیوڈ کیمرون کا کہنا تھا کہ برطانیہ پاکستانی حکام پر بنیادی انسانی حقوق بشمول معلومات تک آزادانہ رسائی اور قانون کی حکمرانی کو برقرار رکھنے کے لئے زور دیتا ہے۔ اس میں منصفانہ قانونی کاروائی کا حق، مناسب عمل کی پابندی اور مداخلت سے پاک آزاد اور شفاف عدالتی نظام شامل ہیں۔
وزیر خارجہ نے کہا کہ پاکستان کی ترقی کے لیے اہم اصلاحات کے مینڈیٹ کے ساتھ عوامی حکومت کا منتخب ہونا ضروری ہے نئی حکومت کو اپنی عوام کے سامنے جوابدہ ہونا چاہیے پاکستان کے تمام شہریوں اور برادریوں کے لئے مساوی مفادات اور انصاف کے ساتھ نمائندگی کرنی چاہئے ہم اس کے حصول اور اپنے مشترکہ مفادات کے دائرے میں پاکستان کی آنے والی حکومت کے ساتھ مل کر کام کرنے کے منتظر ہیں۔
