اسرائیل کی جانب سے اتحادی ملکوں کے 2 ریاستی حل کے مطالبے کو واضح طور پر مسترد کر دیا گیا ہے۔
وزیر اعظم نیتن یاہو نے اسرائیلی پارلیمنٹ میں آزاد فلسطینی ریاست کے قیام کیخلاف قرارداد پیش کی جسے بھاری اکثریت سے منظور کر لیا گیا۔
قرارداد پر اسرائیلی پارلیمنٹ کے 99 ارکان نے حمایت میں اور 9 نے مخالفت میں ووٹ دیا۔
قرارداد میں آزاد فلسطینی ریاست کے قیام کی بین الاقوامی کوشش کو مسترد کیا گیا ہے۔
دوسری جانب غزہ میں اسرائیلی فوج کے حملے بدستور جاری ہیں، گزشتہ 24 گھنٹے کے دوران مزید 107 فلسطینی ہلاک ہو گئے جبکہ 163 زخمی ہوئے ہیں۔
واضح رہے کہ اسرائیلی حملوں میں اب تک مرنے والے فلسطینیوں کی تعداد 29 ہزار 313 ہو گئی۔
امدادی ٹرکوں پر حملوں کے بعدورلڈ فوڈ پروگرام نے شمالی غزہ میں امداد کی ترسیل روک دی ہے۔