32
مقبوضہ مغربی کنارے میں یہودیوں کی بستی کے قریب تین مسلح افراد نے کئی گاڑیوں پر فائرنگ کی جس سے آٹھ افراد زخمی ہوئے ہیں۔
واقعہ یروشلم کے مشرق میں واقع مالے عدومم کے علاقے میں پیش آیا۔
اسرائیلی پولیس نے واقعے کو ’دہشت گرد‘ حملہ قرار دیتے ہوئے کہا کہ حملہ آور ایک گاڑی میں پہنچے تھے۔
پولیس کا کہنا ہے کہ ’تین دہشت گرد اپنی گاڑی سے باہر نکلے اور یروشلم کی طرف جانے والی سڑک پر خودکار ہتھیاروں سے ان گاڑیوں پر فائرنگ شروع کر دی جو ٹریفک جام میں پھنسی ہوئی تھیں۔‘
پولیس کا کہنا ہے کہ ’دو دہشت گردوں کو موقع پر ہی قابو کر لیا گیا جبکہ تیسرے نے فرار ہونے کی کوشش کی تاہم اس کو بھی پکڑ لیا۔‘
