روس کے صدر ولادیمیر پوٹن نے امریکہ اور یورپ کو خبردار کیا ہے کہ وہ یوکرین کے معاملے میں ایک خاص حد تک رہیں۔ بصورتِ دیگر روس ایٹمی جنگ کے لیے بھی تیار ہے۔
روسی صدر نے نے کہا کہ امریکی قیادت یوکرین جنگ میں فوجی بھیجنے سے باز رہے۔ روس اس معاملے میں بات چیت کے لیے تیار ہے تاہم اگر مغرب بات چیت کے لیے تیار نہیں تو روس ایٹمی جنگ بھی لڑ سکتا ہے۔
روسی صدر نے ایک ٹی وی انٹرویو میں کہا کہ امریکہ اور یورپ مل کر روس کو شکست دینے میں ناکام ہوچکے ہیں۔
اگر امریکہ نے اپنے فوجی یوکرین بھیجیے تو یہی سمجھا جائے گا کہ وہ اس قضیے کو ہوا دے رہا ہے۔
صدر پوٹن کا کہنا تھا کہ ویسے ایٹمی جنگ کے آثار نہیں اور روس بھی ایٹمی ہتھیار استعمال کرنے کی ضرورت محسوس نہیں کرتا۔ عسکری اور تکنیکی نقطہ نظر سے ہم ایٹمی جنگ کے لیے بھی تیار ہیں۔
روسی صدر نے کہا کہ امریکہ بھی یہ سمجھتا ہے کہ اگر اس نے اپنے فوجی یوکرین میں اتارے تو اِسے مداخلت سے تعبیر کیا جائے گا۔
