غزہ میں حماس اور اسرائیل فوج کے درمیان بڑھتی ہوئی کشیدگی اور امریکی دباؤ کے درمیان فلسطین کے صدر محمود عباس نے محمد مصطفیٰ کو فلسطین اتھارٹی کا نیا وزیراعظم مقرر کردیا۔
محمد مصطفیٰ اسرائیل کے زیر قبضہ مغربی کنارے میں ایک ٹیکنو کریٹک حکومت کی سربراہی کریں گے جو غزہ کے ایک حتمی ریاست کے درجے تک پہنچنے سے قبل ممکنہ طور پر اس کا انتظام چلا سکے گی۔
محمد مصطفیٰ نے امریکہ میں معاشیات کی تعلیم حاصل کی اور وہ ورلڈ بینک میں اعلیٰ عہدوں پر فائز رہ چکے ہیں۔
فروری میں فلسطینی وزیر اعظم محمد اشتیہ نے غزہ میں بڑھتی ہوئی کشیدگی کے درمیان اپنے عہدے سے استعفیٰ دے دیا تھا۔
غزہ میں پرتشدد واقعات کے بعد محمود عباس نے حکومت کو تحلیل کر دیا تھا، تب سے اب تک محمود عباس کی ’الفتح‘ پارٹی مغربی کنارے کا انتظام چلا رہی ہے اور غزہ کی انتظامیہ حماس کے ہاتھ میں ہے۔
واضح رہے کہ فلسطینی اتھارٹی کا قیام 1990 میں آیا تھا
