امریکی ایوان نمائندگان کی فارن افئرز کمیٹی نے پاکستان کے اندر جمہوریت، انسانی حقوق اور قانون کی پاسداری کی متقاضی ایک قراردار صفر کے مقابلے میں پچاس ووٹوں سے منظور کر لی ہے۔ اس کی مخالفت میں ایک ووٹ بھی نہیں آیا۔
قرارداد میں مطالبہ کیا گیا ہے کہ فروری میں ہونے والے انتخابات میں مداخلت اور بے ضابطگیوں کی تحقیقات کرائی جائیں۔
اس قرارداد میں مطالبہ کیا گیا ہے کہ صدر جو بائیڈن اور وزیر خارجہ انٹنی بلنکن پاکستان کے ساتھ اور پاکستان کی حکومت سے رابطہ کاری بڑھائیں کہ وہ جمہوریت، انسانی حقوق اور رول اآف لا پر عمل درآمد کرے۔
30 ستمبر 2023 کو پیش کی گئی قرار داد پر ووٹنگ جمعرات کو ہوئی ہے۔ کانگریس میں یہ قرارداد رپیریزینٹیٹو ری پبلکن رچ میکارمک اور ڈیموکریٹ ڈین کیلڈینے پیش کی۔
اب یہ بل امریکی ایوان نمائندگان کو بھجوایا جائے گا۔
Allegations surrounding the 2024 Pakistani election have highlighted the urgent need to protect democracy, human rights, and the rule of law against foreign influences and promote regional stability.
I stand firm in my support for democracy and free and fair elections in… pic.twitter.com/shOSBP4xcX
— Congressman Rich McCormick, MBA MD (@RepMcCormick) March 21, 2024
گزشتہ روز فارن افئرز کمیٹی میں ہی انتخابات کے بعد کے پاکستان پر تفصیلی سماعت ہوئی تھی جس میں امریکہ کے معاون وزیرخارجہ برائے جنوبی و وسطی ایشیا ڈونلڈ لو پیش ہوئے تھے۔
